♥1♥
نعم عاوز ترميني بعد. كل الي عملته عشانك
قرض وعملتلك من شغلي دهب وبيعتلك كل الي انت فيه دة بسببي وبفضلي
: بتعا.يريني
يابجح عايز تاخدني لحم وترميني عضم وما.تكلمش كمان
: انا مبقتش مرتاح انتي مشغولة وبتكبري ومخلفتيش
مشغولة عشان بالم من وراك باخلص شغل اتغدا وارجع تاني عشان دينك قطم وسطي ومش باطالبك بمليم عشان عاوزاك تفوق لشغلك وبس بدل ما.تعوضني بترميني وعاوزني اخلف ازاي وانت عارف ان الدنيا اتلخبطت من منعي للحمل عشان اقف جنبك لعبت بالهرمونات اصبح الحمل صعب كل دة عشان انت سبت شغلك وقعدتلي بالبيت ومصمم تعمل شركة ليك بدل ما.تشقى معايا اعتمدت عليا وتاخد مني الفلوس وترمي لامك واخواتك وبالاخر سكوتي بسبب حبي ليك اتفهم انه ضعف
: بقيت انا سبب كل حاجة ومن امتى بتتكلمي وبتزعقي انتي اتغيرتي حتى شكلك بقيتي مهملة انا تعبت منك
انت شايفلك شوفه صح عاوز تجنني وبتعصبني وتستفزني لأ شوف بقى ياحيلتها من هنا ورايح هاتشوف الندالة بتاعتك بس مني هاردهالك باو… خ طريقة هابقى زيك والي يعملني درجة سلم ويدوس عليا عشان يوصل هاقع بيه واكس.ر رقبته
: يعني ايه
يعني لو عاوز تطلق براحتك روح طلقني غيابي
سبته ودخلت اوضتي وهو رزع الباب ومشي الحمد لله انها شقتي بعد و.فاة امي نقلت فيها بعد ماشفت عذاب من اهله
سرحت بافكاري وافتكرت الذكريات كلها ذكرياتي معاه وبداياتنا
الحكاية بدأت لما….
يتبع
بقلم_مرفت_السيد
( 2)
سرحت لاكتر من عشر سنين فاتت
كنت دلوعة البيت
البنت الوحيدة اخر العنقود على ولدين
بابا ما.ت وانا طفلة وماما هي الي ربتنا
اخواتي متجوزين في البيت معانا
بيحبوني ومدلعني هما وماما كمان كانو مسميني حسناء العيلة
خلصت ثانوي تجاري بالعافية
دخلت معهد كمبيوترخاص وبدات العرسان تتقدم كنت بارفض كنت صغيرة وعاوزة اعيش قصة حب وعاوزة عريس وسيم زي نجوم السينما
لحد مااتقدملي اسلام ابن عمي كان لسة راجع من المانيا طول عمره بيحبني كان وسيم وغني
وافقت واتخطبنا لحد مااكتشفت إنه متجوز من المانية
حاولو يقنعوني انه جواز عشان الجنسية رفضت
لحد. ماقابلته عمر كان ابن عم صاحبتي شوفته في عيد ميلادها
فضل متنحلي زي اغلب الشباب اتجاهلته
فضل يحاول يكلمني يستناني على باب المعهد يمشي ورايا ومفيش فايدة
بعتلي رسالة مع بنت عمه قطعتها قبل مااقراها
ملقاش فايدة معايا جه اتقدم هو وامه واخواته البنات ال3 كان هو الصغير وبيشتغل موظف بس عنده شقته في بيت ابوه
كان وسيم بيجيبلي هدايا اتغاضيت عن. تدخلات امه واخواته لاني كنت اتعلقت بيه وحبيته وكان بيراضيني لما اتضايق من اسلوبهم
حاولو يفرضو رأيهم بالفستان حتى لون الحيطان بالفرش ولما اتضايق كان ييجي يراضيني وينفذلي طلباتي فكنت باعدي واقول هو اهم وكفاية انه بيراضيني ويحبني
واخواتي كانو بيقولو اختيارك واحنا مش هنفرض عليكي حاجة
ماما قالتلي بلاش انا خايفة عليكي وحاسة ان امه صعبة
عاندت خصوصا لما اسلام ابن عمي قبل مايسافر جه وحذرني من امه واخواته لان صاحبه جارهم وقاله انها ست مفترية ولسانها طويل
اتهمته بالغيرة وصممت عليه اكتر اخواتي قالولي هانأمنك كويس طالما مصممة عليه طلبو شبكة كبيرة وقت الخطوبة ووافق
كتبوا قايمة ومؤخر كبير ساعة كتب الكتاب ووافق
واتجوزنا ومن اول يوم بدأت المشاكل
بعد. ماخلص الفرح لسة داخلين الشقة لقينا….
يتبع
بقلم_مرفت_السيد