زوجتي

فوجئت بإيد عنـ,ـيفة بتهزني بقسوة غريبة, قمت مخضوض لقيت مراتي وولادي التلاتة واقفين قدام السرير بتاعي ثابتين, والغريب إنهم كانوا لابسين لبس الخروج كأنهم رايحين مشوار..

فضلت أبص ناحيتهم وانا مش قادر أهمس, ولا أتحرك من مكاني, لقيت مراتي بتديني الجلبية بتاعتي وكأنها عاوزاني أخرج معاهم, كنت حاسس إني بدون إرادة واني لازم أتحرك معاهم فورا..

نزلت للشارع لقتهم واقفين على أول الشارع, وماشيين بهدوء شديد, وكل ما كنت بقرب منهم كانوا بيبعدوا بطريقة مخي.فة, الشوارع فاضية والجو لسة ليل, فضلت ماشي وراهم لحد ما وصلت للمقـ,ـابر, وبالأخص مقـ,ـبرتهم اللي دفـ,ـنتهم فيها, وقبل ما أقرب لقيت راجل وست واقفين قدام المقـ,ـبرة دي, استخبيت بسرعة واتفاجئت انها أختي ومعاها واحد معرفوش, وسمعتها بتتكلم وبتقول:

– عاوزاك تحبس أي رسالة ممكن تطلع برة المقـ,ـبرة دي وتفضحني, مش عايزة المدفـ,ـونة جوة تخرج الحقيقة لأخويا أبدا
– حاضر يا ست الكل بس هتدفعي كتير
– مفيش أي مشكلة, بس المهم ان اللي حصل لاخويا انهاردة وانه يشوفهم بعد مـ,ـوتهم ده ميتكررش تاني

وقتها وبدون وعي مسكت حجر ضخمة وقربت منهم بهدوء شديد وفورا نزلت بيه على راس الراجل اللي معاها, أختي اتفزعت من المنظر وأول ما شافتني وشها بقا لونه أصفر بطريقة مرعبة, مسكت الحجر وهددتها لو محكتش اللي حصل هخلص عليها تماما, اترعشت وبدأت ترجع لورا بس أنا مكنتش ناوي أخليها تهرب, لازم أفهم اللي بيدور هنا..

وقالتلي ان العيلة كلها استنت إني أخلف من أول يوم جواز, ولما عدوا سنتين كاملين بدون خلفة اتأكدت إن العيب فيا أنا, وعشان الناس مياكلوش وشنا خدت مراتي تحت التهـ,ـديد لواحد دجال وعملتلها عمل, بس الدجال اشترطت انه يعمل الفاحشة بمراتي